હવે એરટેલ, જિયો, વોડાફોન અને આઈડિયા જેવા મોટા ટેલિકોમ ઓપરેટર્સ OTP દ્વારા આધાર-સિમકાર્ડને લિંક કરશે. યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા નવા માધ્યમને સ્વિકૃતિ આપી દેવાતા હવે યુઝર્સ ઘરેબેઠા જ પોતાના સિમકાર્ડને આધાર સાથે સરળતાથી લિંક કરી શકે. નોંધનીય છે કે આધાર-સિમકાર્ડ લિંકિંગની ડેડલાઈન 6 ફેબ્રુઆરી, 2018 છે. જ્યારે OTP વેરિફિકેશન 1 ડિસેમ્બરથી શરુ થશે.
સિમ કાર્ડ આધાર સાથે લિંક કરવાના સરળીકરણ અર્થે ગયા મહિને સરકાર દ્વારા ટેલિકોમ કંપનીઓને પોતાના યુઝર્સનું ફરીવાર વેરિફિકેશન કરાવડાવવા માટે 3 નવી રીતોની જાહેરાત કરી છે. આ નવી રીતો અનુસાર સિમકાર્ડ-આધાર લિંક કરવા માટે OTP, એપ અને IVRSનો ઉપયોગ કરી શકાશે. જેથી આ પ્રક્રિયા વધુ સરળ બની શકશે. જો કે ગ્રાહકો સર્વિસ પ્રોવાઈડર્સના સ્ટોર પર જઈને પણ આધાર-સિમકાર્ડ લિંકિંગ કરી શકશે. તેમજ સરકારે કંપનીઓને દિવ્યાંગ, ગંભીરપણે બીમાર અને સિનિયર સિટિઝન્સ માટે આ સુવિધા ઘરઆંગણા સુધી લઈ જવાની પણ સૂચના આપવામાં આવી છે.
પહેલા તમારે એવું સુનિશ્ચિત કરવાનું રહેશે કે તમારો મોબાઈલ નંબર આધાર કાર્ડ સાથે લિંક થયેલો છે. ત્યાર બાદ જ તમે OTP લિંકિંગ પ્રોસેસ શરુ કરી શકશો. રજિસ્ટર્ડ મોબાઈલ નંબરવાળા ગ્રાહકોને UAIDI દ્વારા તેમના મોબાઈલ પર OTP મોકલવામાં આવશે. જો તમારો મોબાઈલ નંબર આધારકાર્ડ સાથે લિંક ન હોય તો તમારે સર્વિસ પ્રોવાઈડરના સ્ટોર પર જઈને વેરિફિકેશન કરાવવાનું રહેશે. સમાંતરપણે તમે તમારા મોબાઈલ નંબર અંગેની ડિટેઈલ્સ પણ ચેન્જ કરી શકો છો.
No comments:
Post a Comment